پھولوں میں تیری خوشبو ، تاروں میں نور تیرا
ہر شے میں جلوہ گر ہے یا رب ظہور تیرا
اللہ ہو جلا جلال ہو

گو آنکھ سے چھپا ہے ، لیکن تو ہر جگہ ہے
مخلوق کے دلوں سے گھر کب ہے دور تیرا
اللہ ہو جلا جلال ہو

یہ چاند اور تارے ، یہ پھول اور غنچے
سب حکم مانتے ہیں ، ہر دم درود تیرا
اللہ ہو جلا جلال ہو

اس باغِ زندگی میں رونق ہے تیرے دم سے
نغمات سنا رہے ہیں ملکر طیور تیرا
اللہ ہو جلا جلال ہو

ہم اپنے آپ کو بھی کیسے سمجھ سکیں گے؟
جب تک کہ ہو نہ جائے حاصل شعور تیرا
اللہ ہو جلا جلال ہو